30. maí 2010 Átta íslenskir safnarar tóku þátt í Norrænu frímerkjasýningunni
NORDIA 2010 sem nú er afstaðin. Vegna fyrri afreka var safn
Árna Gústafssonar í Meistaradeild sýningarinnar ásamt sjö öðrum stórsöfnurum. Þátttakendur í þessum flokki hlutu allir gullverðlaun. Aðrir íslenskir þátttakendur voru (í Póstsögudeild):
Rúnar Þór Stefánsson, 89 stig + heiðursverðlaun (stórt gyllt silfur),
Hjalti Jóhannesson, 87 stig (stórt gyllt silfur),
Sverrir Helgason, 81 stig (gyllt silfur),
Brynjólfur Sigurjónsson, 78 stig (stórt silfur),
Sveinn Ingi Sveinsson, 77 stig (stórt silfur) og
Magnús Sigurðsson, 72 stig (silfur). Í Opnum flokki hlaut
Páll A. Pálsson 80 stig + heiðursverðlaun (gyllt silfur).
LÍF-vefurinn óskar þessum söfnurum öllum til hamingju með árangurinn.
23. maí 2010 Guli skildingurinn sænski skipti um eigendur á lokuðu uppboði sem fram fór hjá David Feldman í Sviss þann 22. maí, s.l. Hjá uppboðsfyrirtækinu er því haldið fram að um sé að ræða verðmætasta frímerki heims, en síðast þegar það var selt, árið 1996, fékkst fyrir það 2,875 milljónir svissneskra franka, sem mun vera um 320 milljóna króna. Ekki fæst uppgefið verð merkisins að þessu sinni.
Smellið í merkið til að fá stærri mynd.
18. maí 2010 Alþjóðlegu frímerkjasýningunni
London 2010 er nýlokið.
Aðeins einn íslenskur safnari tók þar þátt,
Árni Gústafsson, sem hlaut 88 stig - stórt gyllt silfur - fyrir safn sitt af íslenskum skipspósti.
10. apríl 2010 Góður árangur á alþjóðlegu frímerkjasýningunni
Antverpia 2010.
Þrír íslenskir þátttakendur náðu góðum árangri á alþjóðlegu frímerkjasýningunni Antverpia 2010, sem haldin er í Antverpen í Belgíu um þessar mundir.
Árni Gústafsson hlaut 87 stig - stórt gyllt silfur - fyrir safn sitt af íslenskum skipspósti 1875-1945,
Sigurður R. Pétursson hlaut 82 stig - gyllt silfur - fyrir Tveggja kónga safn sitt og
Sverrir Helgason hlaut 77 stig - stórt silfur - fyrir safn sitt af íslenskum númerastimplum. LÍF óskar þessum ötulu söfnurum til hamingju með árangurinn.
Ásamt áðurnefndum söfnurum hélt sænski stórsafnarinn
Douglas Storckenfeldt uppi merki íslenskrar fílatelíu á sýningunni, en hann hlaut 96 stig - stórt gull - fyrir safn sitt "
Iceland until 1901 - skilding and original aur". Sjá einnig um hann hér neðar.
6. apríl 2010 Nýtt númer af Frímerkjablaðinu er komið út!
1. feb. 2010 Fallegasta frímerkið árið 2009
8. jan. Tilbúið bréf
gengur aftur!
16. nóv. Nú má sjá
alla útgáfu Frímerkjablaðsins hér á vef Landssambandsins. Unnið er að flokkun efnis.
11. nóv. Nýtt eintak af
Frímerkjablaðinu kom úr prentun 11. nóvember fullt af skemmtilegri og fróðlegri lesningu. Sjá hér til hliðar í miðdálki.
9. nóv. Íslensk fílatelía í sviðsljósinu á alþjóðlegu frímerkjasýningunni ITALIA 2009. Douglas Storckenfeldt frá Svíþjóð hlaut
International Grand Prix fyrir safn sitt "
Iceland until 1901 - skilding and original aur". Þetta safn fengum við að sjá á Nordíu 2009 þar sem það hlaut
Grand Prix NORDIA 2009.
