Landssamband íslenzkra frímerkjasafnara

Alþjóðlega sýningin Kína 2009
Sigtryggur R. Eyþórsson segir frá.

Athyglisverð skrá, tekin saman í Samgönguráðuneytinu

EXPONET - Sérlega áhugaverður vefur, sem safnarar ættu að skoða vel!!

Icelandic Postal Stationery

Norrænar frímerkjasýningar:

1.-3. apríl:
NORDIA 2012
í Hróarskeldu, Danmörku
Í dómnefnd: Sigurður R. Pétursson
Umboðsmaður:
Árni Gústafsson

NORDIA 2009, sem haldin var í Hafnarfirði dagana 29.-31. maí 2009, var fimmta Nordíu sýningin sem haldin hefur verið hér á landi.

Sjá má nánar um þá sýningu, niðurstöðu dóma og myndir frá sýningunni hér

Landssamband íslenzkra frímerkjasafnara
	Icelandic Philatelic Federation Síðumúla 17, IS- 108 Reykjavík www.is-lif.is

Markmið

Hlutverk LÍF er m.a. að koma fram fyrir hönd aðildarfélaganna á opinberum vettvangi, bæði innanlands og utan svo og að vinna að því að vekja áhuga á gildi frímerkjasöfnunar og frímerkjafræða sem menningarlegri tómstundaiðju.
Þessum tilgangi skal einkum leitast við að ná með umræðum og útgáfustarfsemi, frímerkjasýningum o.s.frv.

Tímamótasamningur

Eins og fram kemur í nýjasta tölublaði Frímerkjablaðsins (25), gerðist sá ánægjulegi atburður í Þjóðminjasafni Íslands þann 21. mars sl., að forstöðumaður þess, Margrét Hallgrímsdóttir og formaður LÍF, Sigurður R. Pétursson, skrifuðu undir samkomulag þess efnis að frímerkjasafn Helga heitins Gunnlaugssonar af bréfum og frímerkjum með mynd Kristjáns konungs níunda, sem varðveitt er í Þjóðminjasafninu, verði gert aðgengilegt á vef. Má segja að með samkomulaginu sé draumur frímerkjasafnara að rætast því langt er síðan farið var að tala um þau frímerkjasöfn sem geymd hafa verið fjarri augum áhugasamra og nauðsyn þess að þau komi fyrir augu almennings.

Frímerkjablaðið

Frímerkjablaðið er nú komið út í 25. sinn og að venju er þar margt fróðlegt til aflestrar. Óþarft er að minna á að blaðið er gefið út af Landssambandinu í samvinnu við Íslandspóst. Hófst sú ánægjulega samvinna árið 1998 og helst vonandi sem lengst.
Í þessu tölublaði er umfjöllun um frímerkjaútgáfum síðari hluta árs 2012, Tímamótasamning, sjá hér að ofan, Íslenskt efni á erlendum frímerkjum, Jólamerki, Póstkort, Afbrigði í frímerkjum, Heimsmeistaraeinvígið í skák 1972, Flugferðir von Gronau, Alþjóða svarmerki og ýmislegt annað forvitnilegt.

Sjá nánar um tilurð Frímerkjablaðsins -->>
Hér eru öll útkomin blöð og efni þeirra -->>

Pósthús og bréfhirðingar

Út er komin bókin Pósthús og bréfhirðingar á Íslandi 1870 - 2011 eftir Þór Þorsteins. Er hér um að ræða endurútgáfu samnefndrar bókar sem út kom fyrir um það bil tuttugu árum en margt hefur breyst hvað varðar íslenska póstþjónustu á þeim tíma. Meðal annars hefur rekstur pósthúsa verið endurskipulagður og fjölmörgum bréfhirðingum verið lokað. Þá er skráningu stimpla og flokkunarkerfi þeirra gerð rækileg skil í þessari bók auk margs annars sem söfnurum er nauðsyn að geta leitað upplýsinga um.
Höfundur bókarinnar, Þór Þorsteins, hefur gefið Landssambandi íslenzkra frímerkjasafnara handritið til framtíðareignar og afnota eins og fram kemur í formála bókarinnar.
Bókin, sem er 116 blaðsíður í A4 broti, er nú komin í sölu og kostar 3500 krónur. Geta væntanlegir kaupendur snúið sér til formanns Landssambandsins á netfanginu issporsrp@simnet.is

Póstkortasöfnun

Póstkortasöfnun er víða vinsæl og upp rísa félög póstkortasafnara, sem síðan í mörgum tilfellum fá aðild að landssamtökum frímerkjasafnara enda stuttur þráðurinn þar á milli. Margir póstkortasafnarar sérhæfa sig í söfnuninni og setja söfn sín upp til sýninga sjáfum sér og öðrum til ánægju.
Nokkur kort hér >>

Pósturinn gefur út bréfspjöld

Þann 4. maí s.l. gaf Pósturinn út þrjú bréfspjöld. Eru þau ætluð til sendinga til útlanda og sýna myndir á bakhlið náttúrukrafta í formi eldsumbrota, vatns- og gufuafls.
Þrjú bréfspjöld til viðbótar verða svo gefin út 17. júní næstkomandi, á afmælisdegi Jóns Sigurðssonar.

Surtsey á frímerki Sameinuðu þjóðanna

Póstþjónusta Sameinuðu þjóðanna hefur gefið út sex ný frímerki með myndum af UNESCO heimsminjum á Norðurlöndum og er Surtsey á einu þeirra. Surtsey fór á heimsminjaskrá Sameinuðu þjóðanna árið 2008 sem einstakur staður náttúruminja á heimsmælikvarða að því er segir á vef Náttúrufræðistofnunar Íslands.

Frímerkjauppboð á eBay

Flestum er sjálfsagt ljóst að frímerkjauppboð er stöðugt í gangi á eBay. Töluvert er þar alltaf af íslensku efni. Sjá hér.

Fréttir

17. Mars 2012.

Nýtt númer af Frímerkjablaðinu! Sjá má blaðið hér á vef Landssambandsins.

Desember 2011.Ný bók: Pósthús og bréfhirðinareftir Þór Þorsteins! Sjá meira hér .

31. júlí 2011. Alþjóðlegu sýningunni PHILANIPPON '11 sem haldin er í Japan, er nú um það bil að ljúka. Einn safnari héðan tók þar þátt, Sigtryggur R. Eyþórsson og hlaut safn hans af íslenskum heilpósti gullverðlaun (92 stig) auk heiðursverðlauna. Er full ástæða til að óska honum hjartanlega til hamingju með þennan frábæra árangur.

29. maí 2011. Frímerkjasýningunni Frímerki 2011 lauk síðdegis í dag, 29. maí. Sýnd voru 30 söfn í 92 römmum, þar af voru sjö í samkeppnisdeild. Eitt þeirra safna var flutt í kynningardeild. Í Póstsöguflokki hlutu Árni Þór Árnason - Íslenskir kórónustimplar - einn rammi - 66 stig (Silfur),Hjalti Jóhannesson - Íslenskir kórónustimplar - 69 stig (Silfur), Magnús Sigurðsson - Sænskir járnbrautarstimplar - 75 stig (Gyllt silfur) og Sveinn Ingi Sveinsson - Íslenskir númerastimplar - 79 stig (Gyllt silfur). Í Heilpóstflokki hlaut Sigtryggur R. Eyþórsson - Íslensk bréfspjöld 1879-1920 - 91 stig (Gull) og í Opnum flokki hlaut Helgi Gunnarsson - Íslenski refurinn - tveir rammar - 69 stig (silfur).

28. maí 2011. Landsþing LÍF var haldið í dag, 28 maí 2011. Bíðum fundargerðar en stjórn skipa nú: Sigurður R. Pétursson formaður. Árni Gústafsson, Gunnar Rafn Einarsson, Gísli Geir Harðarson og Kjartan J. Kárason. Varamaður í stjórn Hálfdan Helgason.

28. maí 2011. Safnarar takið eftir: Í vinstri dálki er nýr tengill, Reglur um dóma o. fl. Þar má sjá ýmislegt sem kann að koma bæði sýnendum og dómurum að gagni.

14. apríl 2011. Eins og fram kemur
í miðdálki þessarar síðu heldur Landssamband íslenskra frímerkjasafnara 42. landsþing sitt, laugardaginn 28. maí í húsakynnum sínum að Síðumúla 17 í Reykjavík. Frímerkjasýningin, FRÍMERKI 2011 verður haldin í safnaðarheimili Bústaðakirkju dagana 27. til 29. maí.

12. apríl 2011. Gull og Gyllt silfur á Nordia 2011 í Finnlandi!
Á norrænu frímerkjasýningunni NORDIA 2011, sem haldin var í Jyväskylä í Finnlandi sýndu tveir íslenskir safnarar og náðu ágætis árangri. Sigtryggur R. Eyþórsson sýndi bréfspjaldasafn sitt og hlaut gullverðlaun fyrir (92 stig) og Sveinn Ingi Sveinsson sýndi númerastimpla sína og hlaut Gyllt silfur (80 stig). Er þeim hér með óskað til hamingju og vonandi hvetur frammistaðan aðra safnara til dáða.
Umboðsmaður sýningarinnar af hálfu LÍF var Árni Gústafsson en meðal dómara var Sigurður R. Pétursson.

28. nóvember 2010 Nýr vefur:
Icelandic Postal Stationery

5. október 2010 Gull, gull í Portúgal!
Á alþjóðlegu frímerkjasýningunni Portugal 2010, sem nú stendur yfir í Lissabon taka þátt tveir úr röðum íslenskra frímerkjasafnara, þeir Árni Gústafsson og Sigtryggur R. Eyþórsson. Er skemmst frá því að segja að söfn beggja hlutu gullverðlaun. Hlaut safn Árna, Íslenskur skipspóstur, 90 stig og safn Sigtryggs, Íslenskur heilpóstur 1879-1920, 91 stig. Er þetta glæsilegur árangur og er þeim hér með óskað til hamingju og vonandi hvetur frammistaðan aðra safnara til dáða.
Umboðsmaður sýningarinnar af hálfu LÍF er Sigurður R. Pétursson.

30. maí 2010 Átta íslenskir safnarar tóku þátt í Norrænu frímerkjasýningunni NORDIA 2010 sem nú er afstaðin. Vegna fyrri afreka var safn Árna Gústafssonar í Meistaradeild sýningarinnar ásamt sjö öðrum stórsöfnurum. Þátttakendur í þessum flokki hlutu allir gullverðlaun. Aðrir íslenskir þátttakendur voru (í Póstsögudeild): Rúnar Þór Stefánsson, 89 stig + heiðursverðlaun (stórt gyllt silfur), Hjalti Jóhannesson, 87 stig (stórt gyllt silfur), Sverrir Helgason, 81 stig (gyllt silfur), Brynjólfur Sigurjónsson, 78 stig (stórt silfur), Sveinn Ingi Sveinsson, 77 stig (stórt silfur) og Magnús Sigurðsson, 72 stig (silfur). Í Opnum flokki hlaut Páll A. Pálsson 80 stig + heiðursverðlaun (gyllt silfur). LÍF-vefurinn óskar þessum söfnurum öllum til hamingju með árangurinn.

23. maí 2010 Guli skildingurinn sænski skipti um eigendur á lokuðu uppboði sem fram fór hjá David Feldman í Sviss þann 22. maí, s.l. Hjá uppboðsfyrirtækinu er því haldið fram að um sé að ræða verðmætasta frímerki heims, en síðast þegar það var selt, árið 1996, fékkst fyrir það 2,875 milljónir svissneskra franka, sem mun vera um 320 milljóna króna. Ekki fæst uppgefið verð merkisins að þessu sinni. Smellið í merkið til að fá stærri mynd.

18. maí 2010 Alþjóðlegu frímerkjasýningunni London 2010 er nýlokið.
Aðeins einn íslenskur safnari tók þar þátt, Árni Gústafsson, sem hlaut 88 stig - stórt gyllt silfur - fyrir safn sitt af íslenskum skipspósti.

Stjórn og nefndir

Stjórn Landssambandsins er kosin á landsþingi samtakanna, sem haldið er ár hvert. Eftirtaldir skipa stjórn LÍF starfsárið 2011-2012:

Formaður:
Sigurður R. Pétursson, framkvæmdastjóri
Varaformaður:
Árni Gústafsson, framkvæmdastjóri
Ritari:
Gísli Geir Harðarson, rafeindavirki
Gjaldkeri:
Gunnar Rafn Einarsson, lögg. endurskoðandi
Meðstjórnandi:
Kjartan J. Kárason, tæknifræðingur
Varamaður:
Hálfdan Helgason, tæknifræðingur

Ritnefnd Frímerkjablaðsins:
Sigurður R. Pétursson ritstjóri og ábyrgðarmaður, Hálfdan Helgason, Hrafn Hallgrímsson, Kjartan J. Kárason, Sveinn Ingi Sveinsson

Dómaranefnd Landssambandsins:
Árni Gústafsson, Hálfdan Helgason, Sigurður R. Pétursson

Text Copyright © Landssamband íslenzkra frímerkjasafnara - Vefari / Webmaster: Hálfdan Helgason
Síðast uppfært / Last update: 17. mars 2012